Portada
Gabinete
Recursos técnicos
Igualdade
Denuncias
Enlaces de Interese
Contacto
Enerxía eólica en Galiza
21/2/2014 MEDIO AMBIENTE
"Enerxía Eólica en Galicia: o seu impacto no medio rural" é o título dun libro presentado pola Universidade de Vigo que aborda os aspectos económicos, xurídicos, medioambientais dos muíños de vento.
Biogaval
13/2/2014 INVASSAT
O propósito do presente método é proporcionar ao técnico de prevención un instrumento útil e práctico para valorar o risco biolóxico, así como para orientalo na priorización das medidas preventivas e de control.
Manual de formación sobre avaliación e xestión de riscos no lugar de traballo para PEMEs
23/1/2014 OIT
As lesións e enfermidades relacionadas co traballo poden arruinar vidas e afectar as empresas cando se reduce o rendemento, dánase a maquinaria, aumentan os custos en seguros, etc. Isto é algo que as pequenas empresas, especialmente vulnerables ao impacto dos accidentes laborais e as enfermidades relacionadas co traballo, non poden permitirse nin moral nin economicamente. O presente material de formación sobre avaliación e xestión de riscos no lugar de traballo pretende fundamentalmente capacitar a propietarios e xestores de pequenas e medianas empresas (PEMEs) para adoptar medidas destinadas a mellorar as condicións de seguridade e saúde nos seus lugares de traballo.
Rexistro autonómico plans autoprotección
21/1/2014 Comisión Nacional de Seguridade e Saúde no Traballo
Na reunión celebrada o día 23 de xuño de 2010 polo Grupo de Traballo de Construción da Comisión Nacional de Seguridade e Saúde no Traballo acordouse elaborar un estudo sobre a aplicación do Real Decreto 1627/1997 en obras que presentan certas singularidades, como son as que carecen de proxecto, as de emerxencia e as de explotación de infraestruturas.
ECHA
9/1/2014 ECHA
A Axencia Europea de Substancias e Mesturas Químicas, ECHA, publicou varias actualizacións dos Documentos de orientación sobre Fichas de Datos de Seguridade, obrigas dos Usuarios Intermedios e criterios de aplicación do Regulamento CLP
Imaxen da Axencia Europea
13/12/2013 Axencia Europea para a Seguridade e Saúde no Traballo
O vento é fundamental para o tránsito da UE cara a unhas fontes de enerxía renovables. O sector da enerxía eólica está en rápida expansión, pero leva aparellados moitos riscos para a seguridade e a saúde, porque moitos apectos das turbinas eólicas mar dentro son únicos, da mesma forma que a contorna laboral no que se atopan. O informe de EU-OSHA examina os riscos para os traballadores do sector da enerxía eólica ao longo das diversas fases do ciclo de vida das turbinas eólicas en terra e mar dentro e examina os riscos aos que fai fronte o sector a medida que avanza cara á prestación dunha contorna de traballo máis seguro.
Guía nanomateriais ETUI
9/12/2013 HIXIENE
Este pequeno libro (44 páxinas) elaborado polo Instituto Sindical Europeo (ETUI) parte do feito de que os nanomateriais están a chegar ao mercado nunha gama cada vez maior de aplicacións a un ritmo vertixinoso, e considera que o seu impacto na sociedade apenas se discutiu e que o marco regulador europeo é inadecuado para estes materiais.
Algunhas orientacións para avaliar o risco psicosocial
12/11/2013 INSHT
Os factores de risco psicosocial comprenden un amplo espectro de factores. Isto non significa que todos eles estean sempre presentes en todos os postos de traballo. Por exemplo, un posto de traballo illado non se verá afectado por factores de risco provenientes da interacción con outros traballadores ou con clientes, pacientes, pasaxeiros, etc. Con todo, posuirá outros factores de risco asociados á execución do traballo en soidade e a falta de comunicación.
bioaerosoles
29/10/2013 Hixiene
Os riscos para a saúde asociados á exposición a bioaerosoles no traballo son relativamente ben coñecidos; con todo, a importancia de protexer adecuadamente aos traballadores, tal como é habitual fronte aos axentes químicos e físicos é frecuentemente subestimada. Por outra banda, a avaliación do risco de exposición aos bioaerosoles e, no seu caso, a selección da protección respiratoria contra aerosois biolóxicos pode ser unha tarefa complexa debido á falta de límites de exposición e de datos toxicolóxicos, así como das limitacións das técnicas de mostraxe actuais e da gran diversidade existente de bioaerosoles. Nestas circunstancias, unha metodoloxía cualitativa de avaliación e xestión do risco proporciona unha alternativa aos métodos cuantitativos habitualmente utilizados en hixiene industrial.
seguridade industrial
24/10/2013 Xestión preventiva
A Fundación para unha Cultura da Seguridade Industrial (Fondation pour une Culture da Sécurité Industrielle, FONCSI) é unha fundación de investigación con sede en Toulouse (Francia), declarada de interese público mediante un decreto do 28 de abril de 2005. Entre as actividades da FONCSI atópase a publicación dos resultados das súas investigacións unha das cales, o liderado en prevención, é un dos eixos da actual campaña Lugares de traballo saudables "Traballando xuntos para a prevención de riscos" da Axencia Europea para a Seguridade e a Saúde no Traballo.
Estudio sobre riscos laborais emerxentes no sector da construción
1/10/2013 INSHT
Este documento elaborado polo Instituto Nacional de Seguridade e Hixiene no Traballo, identifica e analiza os riscos laborais emerxentes no sector da construción mediante a análise dos cambios demográficos, económicos, tecnolóxicos, científicos, normativos e naturais que se están a producir na actualidade.
Análise de traballo segundo a idade
18/9/2013 INSHT
Os cambios inducidos pola crise económica sobre o mundo do traballo xeran novos retos para unha correcta xestión da seguridade e saúde no traballo. En particular, faise máis necesario que nunca ter en conta especialmente aos colectivos máis débiles, entre os que se encontran os traballadores máis novos e os maiores, á hora de avaliar, planificar e intervir sobre as condicións de traballo.
ECHA
29/8/2013 European Chemicals Agency (ECHA)
Na páxina a web da ECHA publicouse unha lista das sustancias que están suxeitas a algunha restrición no anexo XVII de REACH, co fin de facilitar a súa procura. Nesta lista facilítase o nome da sustancia restrinxida e unha ligazón á sección do anexo XVII en que se atopa a restrición. Ademais, inclúense os números EC e CAS; unha ligazón a calquera modificación posterior á última versión consolidada de REACH, cando exista, e unha ligazón ás preguntas e respostas publicadas na web de ECHA relacionadas con certas restricións.
INSHT
28/8/2013 INSHT
O Instituto Nacional de Seguridade e Hixiene no Traballo (INSHT) ten a disposición dos usuarios unha Sección Normativa (situada dentro do seu portal, www.insht.es) que permite identificar e acceder rapidamente ás disposicións normativas aplicables a case calquera situación que poida exporse no ámbito preventivo, así como a outra información complementaria de interese.
INSHT
16/7/2013 INSHT
O Instituto Nacional de Seguridade e Hixiene no Traballo vén de ampliar a colección "Métodos de mostra e análise"
INSHT
16/7/2013 INSHT
O INSHT vén de ampliar a Colección “Fichas de divulación normativa coa publicación relativa a Buques de pesca.
Control de calidade interno na análise de fibras de amianto
3/6/2013 INSHT
O Instituto Nacional de Seguridade e Hixiene no Traballo ven de incorporar un novo documento da colección "Criterios e recomendacións" relacionado coa metroloxía de axentes químicos que ten por título: CR-08/2013: Control de calidade interno na análise (reconto) de fibras de amianto
Observatorio de condicións de traballo
11/4/2013 INSHT
O INSHT participou, por medio do Centro Nacional de Verificación de Maquinaria de Baracaldo, na elaboración do Estudo sobre os manuais de instrucións das máquinas en relación aos requisitos de ruído esixidos na Directiva de Máquinas (89/392/CEE e 2006/42/CEE).
INSHT
10/4/2013 INSHT
O Instituto Nacional de Seguridade e Hixiene no Traballo (INSHT) desenvolveu un novo deseño para mellorar e actualizar varios apartados do seu Portal web.
Por un traballo sen riscos
21/2/2013 INSHT
O INSHT ven de publicar a colección de folletos "Traballo sen riscos" na que se recolle información sobre os riscos aos que están expostos traballadores e traballadoras que realizan as súas actividades en diversos sectores.
inrs
1/2/2013 Institut national de recherche et de sécurité pour la prévention des accidents du travail et des maladies professionnelles
Cada vez é maior a utilización de redes inalámbricas e, por iso, o INRS francés publicou un documento (ED 4207) onde presenta e describe as principais tecnoloxías utilizadas nas redes inalámbricas de proximidade (Bluetooth, DECT, WiFi, etc.), dá os valores dos niveis de campos electromagnéticos tipicamente atopados nas proximidades dos emisores e os valores de referencia máis utilizados.
Perigo: Produtos químicos!
26/11/2012 EU-OSHA
A EU-OSHA presentou un novo kit que expón os cambios que sufriu a etiquetaxe dos produtos químicos, para axudar aos empresarios e aos seus traballadores a manipular substancias perigosas con coidado e a protexerse mentres traballan.
O inverno de Pablo
21/11/2012 EU-OSHA
A Axencia Europea para a Seguridade e a Saúde no Traballo (EU-OSHA) presentou a cuarta edición do premio cinematográfico no 55º Festival Internacional de Leipzig de Cine Documental e de Animación (DOK Leipzig).
OIT
20/11/2012 HSE-UK
Na web de La Organización Internacional del Trabajo (OIT) poden encontrarse as guías de control sobre a sílice, traducións das follas informativas publicadas pola Health and Safety Executive (HSE) en Gran Bretaña. As traducións foron realizadas nos Estados Unidos polo Instituto Nacional para a Seguridade e Saúde Ocupacional (NIOSH) e, segundo a información da páxina web da OIT, están actualizadas a marzo de 2009.
Imaxen da Axencia Europea
9/11/2012 SEGURIDADE
A Axencia Europea para a Seguridade e a Saúde no Traballo (EU-OSHA) coordina dende o ano 2000, con carácter anual ou bienal, unha serie de campañas europeas, nas que participan máis de 30 países, que se converteron nunha das maiores actividades de sensibilización a nivel europeo.
Manual do recurso preventivo
3/10/2012 OSALAN
A reforma da Lei 31/1995, do 8 de novembro, levada a cabo na Lei 54/2003, de 12 de decembro, crea a figura dos «Recursos Preventivos» e incorpora un novo concepto en materia de organización da prevención de riscos laborais, instaurando a súa presenza en determinados supostos e situacións de especial risco e perigosidade, como medida reservada a aqueles casos nos que a experiencia acumulada evidencia a concentración de maior sinestralidade.
Imaxen do ISSG
18/9/2012 ISSGA
O Instituto Galego de Seguridade e Saúde Laboral (ISSGA) vén de editar un manual para a prevención de riscos de explosións nas empresas. O documento pretende ser unha ferramenta de axuda para os profesionais da prevención que se atopan coa necesidade de elaborar un documento de protección fronte a estes riscos.
SUBSPORT
31/5/2012 Hixiene
O obxectivo do proxecto SUBSPORT é desenvolver un portal de internet, que constitúa un recurso tecnolóxico avanzado, sobre alternativas máis seguras para o uso de sustancias químicas perigosas. Ademais dunha fonte de información sobre as sustancias e tecnoloxías alternativas, tamén proporciona ferramentas e orientación para a avaliación de alternativas e a xestión da substitución.
Guía de actuación ante a exposición ocupaciónal a axentes biolóxicos de transmisión sanguínea.
30/5/2012 ANMTAS
Esta guía é froito da iniciativa conxunta e do convenio de colaboración asinado en 2009 entre a Asociación Nacional de Medicina del Trabajo no Ámbito Sanitario (ANMTAS ) e o Instituto de Salud Carlos III (ISCIII) a través da Escola Nacional de Medicina del Trabajo (ENMT), ao obxecto de promover actividades de divulgación científica sobre boas prácticas no exercicio da medicina do traballo dentro do Sistema Nacional de Saúde.
INSHT
15/5/2012 INSHT
O INHST presenta a versión "online" do Catálogo de Publicacións do INSHT 2012 que recolle, principalmente, as últimas publicacións incorporadas ao Fondo Editorial do INSHT. Como mellora en relación coas edicións anteriores permiten enlazar, só con "clicar" nos títulos das diferentes publicacións (libros, fichas, carteis, etc.), coa ficha da publicación que recolle un pequeno resumo do contido e posibilita a descarga e/ou compra "en liña" do documento, segundo o caso.
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais