Portada
Gabinete
Recursos técnicos
Igualdade
Denuncias
Enlaces de Interese
Contacto
14/6/2018
Facebook Twitter Google Plus Chuza Menéame del.icio.us
compartir

Condean ao Goberno Vasco por un caso de mal ambiente no traballo

Sentenza
O Xulgado do Social Nº 10 de Bilbao, condenou ao Departamento de Xustiza do Goberno Vasco a indemnizar a un funcionario dun xulgado por danos físico-psicolóxicos e morais sufridos a consecuencia dun conflito que tivo lugar no centro de traballo, por non contar cun plan de riscos laborais para atallar a situación. Na sentenza o xuíz considera que existe “responsabilidade por danos e prexuízos” do departamento vasco de Xustiza derivada do “incumprimento” da Lei de Prevención de Riscos Laborais.
O funcionario demandou ao Gobierno Vasco polos danos físico-psicolóxicos e morais padecidos no seu centro de traballo; estos danos teñen a súa orixe nun conflito entre o persoal do mesmo xulgado, motivado “máis por malas relacións persoais que por razóns de traballo”, segundo admitiron os implicados/as. No fallo considérase que este non é un caso de acoso laboral, senón un “conflito no ámbito das relacións laborais que debeu ser previsto e tido en conta pola Administración para evitar a situación de deterioración á que se chegou”.  Esta situación consistía “en esencia, en dous bandos diferentes do persoal coas súas rifas, rancores e faltas de consideración e respecto”, explica a resolución xudicial. No 2014 xa se informara á Administración da existencia de “mal ambiente laboral” entre os funcionarios/as, a raíz do que se contratou unha empresa que en 2015 determinou a existencia dunha situación de “risco psicosocial grave” por un “conflito intergrupal” no centro de traballo en cuestión. O funcionario demandante chegou a ser destinado a outra sala xudicial en xaneiro de 2016, aínda que un xulgado do contencioso-administrativo determinou en xuño dese ano que o traballador debía ser reposto no seu centro orixinal.

 

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais